Республика шошилинч тиббий ёрдам илмий маркази Бухоро филиалида Президентимизнинг тиббиёт ходимлари билан бўлиб ўтган очиқ мулоқотида белгилаб берилган вазифалар ижросига бағишланган учрашув бўлиб ўтди.

Мулоқот давомида муассасада даволанаётган беморларга марказ имкониятлари, унда яратилган шароитлар ва соҳадаги ижобий ўзгаришлар ҳақида маълумот берилиб, уларнинг фикр-мулоҳазалари, таклифлари тингланди.

Шунингдек, филиал раҳбариятининг аҳолига мурожаати ўқиб эшиттирилиб, унда тиббий хизматни одамларга янада яқинлаштириш, улар орасида тўғри овқатланишни тарғиб этиш борасида амалга ошириладиган ишлар хусусида маълум қилинди.

Шунга мувофиқ вилоятнинг Жондор тумани “Мирзаён” маҳалла фуқаролар йиғинида сайёр тиббий кўриклар ташкил этилди ва 400 нафар зиёд аҳоли тор доирадаги мутахассислар текишувидан ўтказилди.

“O‘zbekiston 24” телеканали орқали намойиш этилган юқоридаги видеолавҳада бу ҳақда батафсил сўз юритилади.