Таниқли олим ва тиббиёт ташкилотчиси академик Т.О.Даминов вафот этди. 

Ўзбекистон Республикаси Фан арбоби, академик, йирик ташкилотчи кўплаб шогирдларнинг устози Даминов Турғунпўлат Обидович 2022 йил 6 февраль куни вафот этди.
Даминов Турғунпўлат Обидович 1941 йили Тошкент шаҳрида туғилган.
1964 йил - Тошкент Давлат Медицина Институтини битирган. 
1969 йил - «К вопросу клинического течения тифопаратифозных заболеваний у детей в сочетании с туберкулезом» мавзусида номзодлик диссертацисини ҳимоя қилган. 
1986 йил - «Клинико-иммунологические особенности острого и затяжного вирусного гепатита А и В у детей» мавзусида докторлик диссертацисини ҳимоя қилган. 
1969 - 1984 йй. - Тошкент Давлат Медицина Институти Юқумли касалликлар, болалар юқумли касалликлари кафедрасида ассистент, доцент, кейнчалик кафедра мудири сифатида фаолият юритган. 
1983 - 1990 йй. – Ўзбекистон Соғликни сақлаш вазирлигининг Педиатрия илмий текшириш институти директори. 
1990 - 2005 йй. – Биринчи Тошкент давлат тиббиёт институти ректори. 
1996 - 2005 йй. – «Адолат» Ўзбекистон Социал-декмократик партияси сиёсий кенгашининг биринчи котиби.
2005 - 2012 йй. - Тошкент тиббиёт академияси «Юқумли касалликлари ва педиатрия» кафедраси мудири. 
2012 й. – ҳ.в. - Тошкент тиббиёт академияси “Юқумли ва юқумли болалар касалликлари” кафедраси профессори сифатида фаолият юритиб келган эди.
«Дўстлик» ва “Эл-юрт ҳурмати” орденлари, Алберт Швейцер халқаро олтин ордени, “Ўзбекистонда хизмат кўрсатган шифокор” фахрий унвони, “Мустақилликнинг 15 йиллиги” кўкрак нишони билан мукофотланган.
1995 й. – Ўзбекистон Республикаси Фанлар академияси мухбир аъзоси.
1996 й. – Ўзбекистон Репсбуликаси Олий Мажлисининг иккинчи чақирик депутати.
1999 й. – Польша Медицина Академияси ҳақиқий аъзоси.
2000 й. – Ўзбекистон Республикаси Фанлар академияси ҳақиқий аъзоси.
2004 й. – Россия Федерацияси тиббий-техник фанлар Академиясининг ҳақиқий аъзоси.
Даминов Т.О. раҳбарлигида 21 докторлик ва 43 тадан ортиқ номзодлик диссертациялари ҳимоя қилинган. У 500 дан ортиқ доимий равишда чоп этилаётган нашрларнинг, шу жумладан 6 та дасрлик, 14 та монография, 45 дан ортиқ услубий тавсияномалар ва қўлланмалар муаллифи ҳисобланади.
Даминов Турғупўлат Обидович – таниқли фан арбоби, шифокор. У олим ва ташкилотчи сифатида ўзининг илмий янгиликлари (тадқиқотлари) ва чоп этилган асарлари билан «Педиатрия» ва «Юқумли касалликлар» каби тиббиётнинг муҳим йўналишларини ривожлантириб, уни бойитишда салмоқли ҳисса қўшиб келган изланувчи ва шу соҳада муайян, самарали илмий мактабни яратган йирик мутахассис сифатида қалбларимизда абадий яшайди.

Республика шошилинч тиббий ёрдам  илмий маркази жамоаси марҳумнинг оила аъзолари ва яқинларига ҳамдардлик билдиради.